“Kosova, nevojë për tjetër Qeveri”

Në një intervistë për Top Channel lideri i Vetëvendosjes  Albin Kurti thotë se zbatimi i marrëveshjeve të arritura në Bruksel do të destabilizojnë vendin.

“Duke qenë që kryetari i LDK-së Mustafa po mundohet që më marrëveshje të rrëzoi Qeverinë Thaci këtu bëhet fjale për marrëveshje për parrëzim. Kjo për shkak se nuk mund të ketë rrëzim të qeverisë me marrëveshje. Vetëvendosje që në dhjetor të vitit 2010 ka nisur mocionin për rrëzim të qeverisë, i cili nuk ka hasur në mirëkuptim të partive të tjera opozitare që formalisht janë në opozitë. Dhe tani kur ndodhemi në vitin e fundit të kësaj Qeverie them se sa më pak që kjo Qeveri të jetë në pushtet aq më shumë rriten mundësitë që për shtet dhe ndryshime në aspektin socio-ekonomik”, u shpreh Kurti.

Problemet madhore sipas kurtit janë gjymtimi i shtetit si territor dhe funksionim i insitucioneve pas marrëveshjeve me Serbinë.  Ai thotë se Serbia ka arritur që në shekullin 21 të të realizojë “Serbinë e madhe”  nëpërmjet një mori ‘Serbish’ të vogla nga Bosnja, Kosova e deri në Maqedoni, Mal të Zi. Problemi i dytë dhe kapital për këtë Qeveri është modeli i gabueshëm ekonomik.

“Ne i druhemi destabilizimit të Kosovës në rast se zbatohen marrëveshjet. Pra Kosovën do e destabilizojnë zbatimi i ketyre marrëveshjeve dhe Kosovën do e stabilizojë vetëm pengimi i zbatimit të tyre të cilat bosnizojnë Kosoven dhe në të njëjtën kohë ne mendojmë që në mandatin e ardhshëm shpresojmë që të kemi një përbërje krejt të re. në mënyrë që t’i hedhim poshtë keto pazare personale të Thaçit me Daçiç”, u shpreh Kurti.

Problemet me korrupsionin dhe veprimet e pandërgjegjëshme të kësaj Qeverie sipas Kurtit nxjerrin në pah nevojën urgjente të një republike të tretë. Kurti komentoi edhe edhe formimin e partisë së re asaj të Fatmir Limajt dhe Jakup Kransiqit si një tkurrje të PDK-së.

Top Channel