Posta Greke, bilanci i parë pozitiv prej 1948-s
20/02/2014 15:30
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
Shpenzimet rekord të turistëve në Greqi gjatë vitit 2013 ndihmuan Postën Helene që të regjistronte fitimet e saj të para që prej vitit të largët 1948.
Të dhënat e publikuara nga Banka e Greqisë treguan se diferenca midis parave të arkëtuara dhe atyre të shpenzuara ishte prej 1,24 miliardë eurosh plus.
FItime të tilla u mundësuan kryesisht falë një rritje me 15% nga të ardhurat prej turizmit, sektori kryesor ekonomik i fqinjëve tanë jugorë.
Të ardhurat e Postës Greke janë ekuivalente me 0,7% të PBB-së së përgjithshëm të vendit në vitin e lënë pas.
Arritjet e postës janë edhe më domethënëse duke mbajtur parasysh se autoritetet paguan 4,6 miliardë euro, për të mbuluar humbjet e këtij institucioni në vitin 2012.
Ndonëse ekonomia greke përjetoi vitin e gjashtë radhazi të recesionit që ka reduktuar me 25% PBB-në në gjashtë vitet e fundit, këto të dhëna pozitive shtojnë besimin se në 2014-n do të regjistrohet më në fund një rritje e lehtë ekonomike.
Aktualisht, Greqia ka nivelin më të lartë të papunësisë midis vendeve të Bashkimit Europian, me 28% të forcës aktive të papunë në muajin Nëntor.
Për grupmoshën 18-25 vjeç, papunësia arrin në 62%.
Top Channel
