Darya Domracheva mori medaljen e artë në ‘Biathlon’ 12.5km dhe bëhet sportistja e parë femër që fiton 3 gara në këtë disiplinë në të njejtën olimpiadë.
Argjendin e mori çekja Gabriela Soukalova ndërsa medaljen e bronzit Tiril Ekhoff.
Patinazh, fiton çifti Davis-White
Çifti amerikan Meryl Davis dhe Charlie White kanë marrë medaljen e artë në patinazhin artistik pasi arritën të mbledhin 195.52 pikë, duke thyer njëkohësisht dhe një rekord botëror.
Në vendin e dytë pas tyre u rendit çifti kanadez Tessa Virtue dhe Scott Moir, ndërsa medaljen e bronzit e morën vendasit Elena Ilinik dhe Nikita Katsalapov.
Hokej, të enjten finalja e femrave Amerikë-Kanada
Amerikë-Kanada do të jetë finalja e hokejit për femra. Kombëtarja amerikane mundi në gjysmëfinale 6-1 Suedine, ndërsa ajo kanadeze 3-1 Zvicrën. Finalja mes këtyre dy përfaqësueseve do të luhet ditën e enjte.
Hedhje e lirë, tjetër medalje për Bjellorusinë
Anton Kushnir në disiplinën ‘hedhje e lirë’ i ka dhënë medaljen e dytë të artë Bjellorusisë në Sochi 2014. 29-vjeçari ka mbledhur 134.50 pikë duke lënë pas vetes australianin David Morris, që mori argjendin dhe kinezin Zongyang Jia që mori medaljen e bronzit.
Hedhje me ski, Gjermani merr medaljen e artë
Kombëtarja gjermane mori medaljen e artë në disiplinën ‘hedhje’ me ski falë hedhjes së fundit të 18-vjeçarit Welinger, i cili kaloi 131 metra.
Në përfundim gjermanët mblodhën 1041.1 pikë, duke lënë në vendin e dytë kombëtaren austriake dhe në të tretën përfaqësuesen japoneze.
Top Channel
