“Soçi 2014”, tërhiqet Plushenko
14/02/2014 00:00
Pa tifozë në ndeshjen me Shqipërinë për thirrjet dhe praninë e terroristëve në stadium, Serbia pret dënimin 11/09 15:46
Zhang Hong i ka dhënë Kinës medaljen e parë të artë olimpike në kategorinë e patinazhit të shpejtë në distancën e 1000 metrave.
25-vjeçarja e ndaloi kronometrin në kohën 1:14:02. Në vendin e dytë u rendit kampionia e 3000 metrave për femra, holandezja Iren Vust e cila pati një vonesë prej 0.67 sekondash dhe në vendin e tretë u rendit holandezja tjetër Margo Boer, me një distancë rreth 1 sekondë më ngadalë se kinezja.
Kampionia e Botës, Hedhër Riçardson, dhe mbajtësja e rekordit të Botës në këtë kategori, amerikania Britani Bou, u renditën shumë dobët, respektivisht në vend të shtatë dhe të tetë.
…
Japonezi Juzuru Haniu ka vendosur rekord në patinazhin artistik për meshkuj me program të shkurtër, duke lënë pas pretendentin rus Jevgeni Plushenko. Hanju arriti të marrë 101.45 pikë duke i dhënë një goditje të rëndë patinatorit vendas.
31-vjeçari Plushenko është tërhequr në momentin më të mire. Kur e gjithë tifozeria thërriste emrin e tij, ai shkoi përpara jurisë duke regjistruar një dëmtim për të evituar pjesëmarrjen në garë. Ky nuk ishte zhgënjimi i vetëm i mbrëmjes pasi edhe amerikani Xheremi Abot u rrëzua në paraqitjen e tij duke dështuar. Ndërkohë, fituesi i medaljes së argjendtë ishte kanadezi Patrik Can, ndërsa fituesi i medaljes së bronztë spanjolli Havier Hernandez.
…
Kanadaja ka filluar mbrojtjen e titullit të saj olimpik në hokej për meshkuj. Kampionët në fuqi mundën 3-1 Norvegjinë. Norvegjia, e cila rezultatin më të mirë në Olimpiadë mban atë të vitit 1972 kur u renditën në vendin e 8 nga 11 pjesëmarrës, u dorëzua lehtë përballë Kanadasë. Ndërkohë, në hokej për femra Rusia mundi Suedinë 3-1
Top Channel
