Pep Guardiola është shprehur se Bastian Schweinsteiger nuk është ende gati për të nisur një ndeshje si titullar pas kthimit nga dëmtimi.
Mesfushori i Bayern Munchen u rikthye ditën e mërkurë nga operacioni në kavilje dhe luajti 25 minuta në fitoren 5-0 të bavarezëve ndaj Hamburgut, në çerekfinalet e Kupës së Gjermanisë, por trajneri spanjoll nuk mendon se lojtari i kombëtares gjermane është në gjendje të nisë nga fillimi takimin e radhës në Bundesligë.
“Është ende herët për të. Është një lojtar i mrekullueshëm dhe unë shpresoj që të fitojë formën e tij më të mirë sa më shpejt të jetë e mundur”, tha Guardiola në konferencën e shtypit përpara takimit ndaj Freiburg.
Bayern Munchen do të luajë ndaj Arsenalit në Londër ditën e mërkurë, por ish-tekniku i Barcelonës nuk mendon ende për Ligën e Kampioneve: “Ndeshja e radhës është gjithmonë më e rëndësishmja. Ne na duhet të vrapojmë shumë në këtë përballje.”
Top Channel
