Trajneri i Juventusit, Antonio Conte do të festojë 100 ndeshje në drejtimin e Juventusit, ditën e dielë në kampionat, për ndeshjen kundër Chievos.
Një rrugë triumfale deri më tani, ajo e bardhezinjve të Contes në Serinë A, ku ata kanë fituar dy tituj kampionë dhe janë drejt fitimit edhe të një titulli të tretë.
CV e Contes deri tani flet për një përqindje të pabesueshme fitoresh, prej 70% nëse fitohet edhe këtë të dielë.
Nën drejtimin e tij, Juventusi ka arritur 69 fitore, 24 barazime dhe gjashtë humbje, për një total prej 231 pikësh.
Më mirë se Conte ka bërë vetëm Carlo Carcano në vitet 1930. Atëherë, ai arriti nën drejtimin e torinezëve 72 fitore, por edhe 12 humbje.
Top Channel
