Bisedimet për ribashkimin e Qipros
11/02/2014 18:15
Trump bën zgjedhje të papritur, emëron Pete Hegseth si Sekretar të Mbrojtjes 27/11 15:41
Liderat e qipriotëve turq dhe grekë duan t’i japin fund ndarjes së ishullit sa më shpejt të jetë e mundur.
Kështu tha presidenti i Republikës së Qipros me shumicë dërrmuese grekësh, Nicos Anastasiades dhe homologu i tij turk, Dervis Erogluy, në rifillimin e bisedimeve të bashkimit në kryeqytetin Nikosia.
Raundi i mëparshëm i bisedimeve kishte mbetur i ngrirë që prej mesit të 2012-s.
Duke folur në një takim një-orësh, të dy liderat ranë dakord se “status-quo” e tanishme e ishullit është e papranueshme dhe se do të ishte në të mirën e secilës palë që të gjendej një marrëveshje për ribashkimin.
Qipro u nda në vitin 1974 pas një grushti shteti që synonte bashkimin e ishullit me Greqinë. Kjo shkaktoi ndërhyrjen e Turqisë që pushtoi pjesën veriore të ishullit, të banuar me turq.
Zona e banuar nga turqit shpalli pavarësinë me emrin Republika Turke e Qipros Veriore në vitin 1983. Pavarësia njihet vetëm nga Turqia.
Mes dy zonave asaj greke dhe asaj turke qendron zona jeshile e Kombeve të Bashkuara, që ndan dy sektorët.
Top Channel
