Vajzës së Paul Walker i kaluan 25 milionë dollarë trashëgimi nga babai, informuan të mërkurën mediat amerikane.
15-vjeçarja Meadow Rain Walker ishte personi i vetëm që ishte përfshirë në testametin e aktorit dhe ajo merr nën kontroll të gjithë shumën e vetme.
Do të jetë nëna e aktorit të ndjerë, Cheryl, ajo që do të shndërrohet në kujdestaren e pasurisë së të mbesës, deri kur vajza të arrijë moshën madhore.
Meadow ishte rritur prej nënës së saj Rebecca Soteros, por në një kthesë ironike të fatit, 15-vjeçarja nisi të jetonte me babain vetëm disa javë përpara vdekjes së tij.
Paul Walker, i njohur si protagonist në serinë e “Fast & Furious” dhe disa filma të tjerë të Hollivudit, u nda nga jeta në moshën 40-vjeçare në Tetor 2013, për shkak të përfshirjes së automjetit ku ai po udhëtonte si pasagjer në një aksident rrugor.
Top Channel
