Është e famshme për format e saj seksi, por në posterat e filmit ‘Captain America: The Winter Soldier’, Scarlett Johansson është holluar tej mase me Photoshop.
Beli i aktores 29-vjeçare është ngushtuar shumë duke shkaktuar komente negative nga fansat në rrjetin social Twitter.
“Pse duhet të rregulloni me photoshop trupin e Scarlett Johansson?” dhe “turp për njerëzit që vendosën të shndërronin Scarlett-in” ishin disa nga komentet e personave që nuk janë dakord me transformimin e aktores.
Në foto, Scarlett Johansson paraqitet e veshur e tëra në një kostum të zi të ngjitur pas trupit dhe me dy pistoleta në duar.
‘Captain America: The Winter Soldier’, ku interpretojnë edhe aktorët Samuel Jackson e Chris Evans, do të shfaqet për herë të parë në fund të marsit.
Top Channel
