Pas publikimit të papritur të albumit të ri me 14 këngë para katër ditësh, Beyonce habit sërish fansat e saj me videoklipin e plotë të këngës ‘Drunk In Love’, ku këngëtares i është bashkuar bashkëshorti Jay Z në skena të nxehta.
Video bardhë e zi paraqet Beyonce fillimisht duke ecur në brag të detit e më pas duke u shtrirë në rërë.Në mes të këngës shfaqet edhe reperi Jay Z.
32-vjeçarja Beyonce i dha fund spekulimeve të gjata për datën e publikimit të këngëve të saj të reja duke lëshuar në “iTunes” albumin e saj pa asnjë paralajmërim apo publicitet të mëparshëm në datën 13 dhjetor.
Në një deklaratë shoqëruese me publikimin, Beyonce shpjegoi: “Unë e shoh muzikën, jo vetëm e dëgjoj. Kur dëgjoj një tingull, menjëherë më rikthehet në mendje pamja e imazheve që më bëjnë të ndihem e emocionuar. Më rikthehen shpesh kujtime të fëmijërisë sime, kujtime të ëndrrave që kam pasur për jetën, të fantazive. Të gjitha ato lidhen me muzikën”.
Top Channel
