Thonë se dashuria nuk njeh kufij dhe një histori qensh e provon më së miri këtë.
Një terrier i bardhë i quajtur Joey, arriti në një mënyrë të pashpjegueshme për të zonjën që të riprodhohej me një femër të racës “rotweiler”, duke lënë pas 11 trashëgimtarë.
Të qentë janë pronësi e Teresa Patterson, një e apasionuar pas kafshëve me banim në Yorkshire, Britani e Madhe.
Ndonëse çiftëzimet midis racave janë të zakonshme në botën e qenve, gërshetimi i një terrieri me një rotweiler konsiderohej teoritikisht i pamundur në kushte natyrale, për shkak të përmasave tepër të ndryshme të përfaqësuesve të secilës racë.
Të 11 këlyshët e çiftit, siç dëshmojnë këto foto kanë marrë pak nga të dy prindërit, ngjyrën e zezë nga nëna, me një shtat midis të dyve dhe me qimet kaçurrela të babait.
Top Channel
