Zyrtarë kinezë përgënjeshtruan raportimet se një inxhinjer në Ontario furnizoi vendin me dokumenta sekrete mbi teknologjinë kanadeze të ndërtimit të anijeve.
Qing Quetin Huang, 53 vjeç, u arrestua ditën e shtunë me akuzën e spiunazhit për një fuqi të huaj.
Policia Mbretërore Kanadeze nuk përcaktoi nëse Huang po përndiqet për konsumimin e kësaj vepre penale apo për tentativë.
Nëse do të shpallet fajtor, 53-vjeçari përballet me mundësinë që të kalojë të gjithë pjesën e mbetur të jetës në një burg, pa të drejtë lirimi me kusht.
Megjithatë, Pekini zyrtar kundërshton fuqimisht akuzat që implikojnë Kinën me aktivitetet e spiunazhit industrial në Kanada.
“Raportimet për veprimtarinë e një shtetasi kanadezo-kinez, i akuzuar për spiunazh në favor të qeverisë sonë janë tërësisht të pabaza”, deklaroi zëdhënësi i Ministrisë së Jashtme Kineze, Hong Lei.
Sipas akuzës, Huang dyshohet që ka kaluar në Kinë sekrete për teknologjinë e përdorur nga Kanadaja për ndërtimin e anijeve patrulluese, luftanijeve, anijeve luftarake shoqëruese, anijeve shkencore e kërkimore dhe akullthyeseve.
Top Channel
