Spanjë, rritje galopante e korrupsionit
03/12/2013 15:45
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Niveli i korrupsionit në Spanjë njohu një rritje rekord gjatë vitit 2013, tregoi raporti i përvitshëm i “Transparency International” mbi përceptimin e korrupsionit gjatë vitit.
Me rënien prej gjashtë pikësh, që e pozicionon Spanjën në vendin e 40 në botë, më keq se vendi iberik ka bërë vetëm Siria e përfshirë në luftë civile.
Një seri skandalesh publike, përfshi disa afera në nivelet më të larta qeveritare kanë baltosur imazhin e Spanjës dhe kompromentuar besimin e spanjollëve tek institucionet e tyre.
Lista, e cila përfshin 177 vende pa Danimarkën dhe Zelandën e Re në krye të vendeve me korrupsionin më të ulët në botë.
Vendi ynë, në bazë të treguesit të matur mbi perceptimin e korrupsionit është i fundit në Europë, pas Kosovës dhe disa shteteve afrikane.
Harta e korrupsionit: Niveli me i ulet me te verdhe dhe niveli me i larte me te kuqe te erret
Nga superfuqitë, SHBA dhe Kina ruajtën të njëjtat pozicione (19 dhe 80 në botë). Përmirësim shënoi Rusia dhe Britania e Madhe, ndërsa përkeqësim Japonia.
Vendet me korrupsionin më të lartë në botë vlerësohet të jenë Korea e Veriut, Afganistani dhe Somalia.
Top Channel
