Agimi, invalidi që punon si postier

Jeta e Agim Parllakut ndryshoi tërësisht nga ky moment, por paçka aftësive të kufizuara, Gimi nuk vendosi të qëndronte në shtëpi, por të punonte fillimisht si roje spitali pranë QSUT-së. Pas viteteve ’90, Gimit iu bë një ofertë pune nga Drejtoria e Spitalit për të punuar si korrier në shpërndarjen e letrave të institucionit.

Edhe pse një person në kushtet e tij mund ta kishte të vështirë, ai pranoi mundësinë duke nisur detyrën e re. Cdo ditë Agimi shpërndan me motorr letrat, duke treguar se paçka aftësive të kufizuara, asgjë nuk e pengon për ta bërë punën mirë dhe madje të vlerësohet nga miqtë dhe kolegët.

Sot, 54-vjeçari ka probleme me lëvizjen e këmbëve dhe duarve, ecjen apo kapjen e sendeve dhe sipas familjarëve kjo sëmundje i është shfaqur si pasojë e trashëgimisë. Bashkëshorten, Irinin, e ka njohur gjithashtu në ambientet e spitalit duke krijuar një familje të shëndoshë e cila mban mbi supe 30 vite martesë.

Babai i dy fëmijëve është shumë i përkushtuar në familje. Asnjë nga anëtarët e shtëpisë nuk e kanë trajtuar kurrë si person me aftësi të veçanta, përkundrazi edhe në momentet kur ndonjëri nga djemtë apo gruaja sëmuret, Agimi i shërben me përkushtim.

Puna që bën në shpërndarje? Nuk e lodh, madje e motivon çdo ditë.
 
“Nga Agimi më tërhoqi serioziteti me të cilin përballonte problemet. Ai është shumë vital dhe nuk përkulet para asgjëje”, thotë bashkëshortja e Agimit.

Top Channel