PD: Kryeministri po hesht
01/12/2013 00:00
“Ofendoi kryetarin e Kuvendit”/ PS kërkon përjashtimin me 30 ditë të Gazment Bardhit nga Kuvendi 17/10 19:40
Partia Demokratike ka reaguar sërish ditën e dielë ndaj pranisë së një grupi komunistësh me portretin e Enver Hoxhës gjatë homazheve të drejtuesve të qeverisë në Varrezat e Dëshmorëve të Kombit, në datën 29 Nëntor.
Nëpërmjet zëdhënëses Laura Vorpsi, PD-ja ka përsëritur kërkesën që kryeministri Edi Rama t’i kërkojë falje popullit shqiptar.
“Shfaqja e fotos së Enver Hoxhës më 29 nëntor ishte provokim i turpshëm ndaj kombit shqiptar. PD-ja i ka kërkuar kryeministrit të kërkojë falje për këtë, por ende nuk ka asnjë reagim prej tij. Fotoja ku duket portreti i Enver Hoxhës vazhdon të jetë në profilin e Facebook-ut të kryeministrit dhe ai nuk pranon ta heqë atë”, theksoi zëdhënësja e partisë më të madhe opozitare të vendit.
“Ky akt nuk do të kalojë pa kosto. Ky është një zhvillim i panevojshëm për vendin tonë. Qeveria nuk duhet të luajë me dhimbjen e një kombi, dhimbje që ka zgjatur për 50 vite me radhë. Rama të tërhiqet para se populli t’i japë fund lojërave të tij”, shtoi Vorpsi.
Top Channel
