Drejtoria e Përgjithshme e Burgjeve ka shkarkuar nga detyra përgjegjësin e Sektorit Juridik në burgun e Lezhës, Leonard Mardoda.
Vendimi vjen pas transmetimit të një video në emisionin investigativ ‘Fiks Fare’ ku shfaqet një rast korrupsioni në të cilin ishte i përfshirë edhe Mardoda.
“Duke marrë shkas nga situata, Drejtori i Përgjithshëm i Burgjeve, z. Artur Zoto, mori menjëherë masën administrative: Shkarkim nga detyra të z. Leonard Mardoda, Përgjegjës i Sektorit Juridik në IEVP Lezhë”, thuhet në njoftim.
Drejtoria e Përgjithshme e Burgjeve thekson se mban të njëjtin qëndrim me Ministrinë e Drejtësisë për rastet e korrupsionit dhe se marrja e masave ndaj këtyre rasteve do të jetë gjithmonë konform ligjit.
Top Channel
