SHBA-Pakistanit: Talebanët, problemi juaj
03/11/2013 09:40
Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Shtetet e Bashkuara të Amerikës iu përgjigjën akuzave të Pakistanit, për minimin e bisedimeve të paqes midis Islamabadit dhe talibanëve, pas vrasjes së liderit të militantëve, Hakimullah Mehsud, në një bombardim nëpërmjet avionëve pa pilotë.
Një zëdhënës i Departamentit të Shtetit i konsideroi negociatat e paqes si një “çështje e brendshme e Pakistanit”.
Në deklaratën e tij, zëdhënësi gjithashtu theksoi se Islamabadi dhe Uashingtoni kanë rënë dakord më parë mbi interesin e përbashkët strategjik për të luftuar dhunën ekstremiste.
Pakistani thirri ambasadorin amerikan në vend për të paraqitur një notë proteste ditën e premte, pas vrasjes së Mehsud.
“Kjo nuk ishte vetëm vrasja e një personi, por vrasja e vetë shpresave për arritjen e paqes”, deklaroi ministri i Jashtëm i Pakistanit, Nisar Ali Khan.
Ndonëse i njohur për radikalizmin e tij, Mehsud kishte pranuar të angazhohej në bisedime “të vërteta paqeje” me qeverinë qëndrore, ndërsa vrasja e tij dhe zëvendësimi me pasuesin pritet që të shtyjë talebanët të përgjigjen me tërheqjen nga negociatat dhe nisjen e një vale të gjerë terrori në vend.
Top Channel
