Biden: Të shqetësuar për zonën e Kinës

Në një përgjigje me shkrim ndaj gazetës japoneze, Asahi, Biden tha se Kina dhe Japonia duhet të ndërmarrin masa për të ulur tensionet. Biden mbërriti në Tokio në orët e vona të së hënës, teksa më pas do të shkojë edhe në Pekin dhe Seul, gjatë vizitës së tij 6-ditore.

Zona e re ajrore e vendosur nga Kina pritet të dominojë të gjithë javën e bisedimeve.

Si SHBA-të edhe Japonia kanë shprehur kritika të forta për vendosjen e ADIZ-it nga Kina, që përfshin edhe ishujt e pretenduara dhe të kontrolluara prej Japonisë. ADIZ përfshin gjithashtu edhe një shkëmb nënujor, të pretenduar nga Korea e Jugut.

Kina njoftoi se të gjithë avionët që do të operojmë në zonën e saj ADIZ, duhet të ndjekin rregulla të veçanta, si dhënia e planeve të fluturimit, në të kundërt do të përballeshin me “masa emergjente mbrojtëse”.

Avionë të SHBA-ve, Japonisë dhe Koresë së Jugut kanë sfiduar këto rregulla, ndërsa linjat ajrore komerciale të Japonisë kanë pranuar një kërkesë të qeverisë për të mos i respektuar ato.

Të premten, Kina ngriti në fluturim avionë luftarakë për të monitoruar aeroplanët amerikanë dhe japonezë që fluturonin në zonë.

Biden tha për gazetën se vendosja e ADIZ-it nënvizon “nevojën për një marrëveshje mes Kinës dhe Japonisë, për të krijuar menaxhimin e krizave dhe masave për rritjen e besueshmërisë, në mënyrë që të ulin tensionet”.

Biden u prit në aeroport, të hënën vonë nga e dërguari e ri e SHBA-ve në Japoni, Caroline Kennedy. Më vonë, gjatë së martës, ai do të takohet me kryeministrin japonez, Shinzo Abe.

Top Channel