Alonso: Mrekulli nëse jemi në garë

Piloti gjerman i “Red Bull” kryeson me 77 pikë avantazh ndaj spanjollit dhe të dielën, në Çmimin e Madh të Japonisë mund të fitojë titullin e katërt rresht dhe të mbyllë kampionatin 4 gara para fundit të sezonit.

“Nëse dikush do të mbërrinte sot në Formula 1 dhe të tjerët do t’i thoshin se “kokëkuqja” është ende në luftë për Botërorin dhe e dyta në klasifikim, atëherë do të thoshte: ‘Nuk është e vërtetë, është një mrekulli’”, ka thënë Alonso, i cituar nga revista “Autosport”.

Në fakt, “Ferrari” mund të synojë vetëm për vendin e dytë në Botërorin e skuderive, që dominohet nga “Red Bull”. “Kemi bërë një mrekulli për 15 gara dhe po përpiqemi të vazhdojmë për 5 të fundit”, shton piloti spanjoll.

Ai ka mbetur i hidhëruar nga vendi i gjashtë i arritur në garën e Koresë, pas tre vendeve të dyta të kapura rresht në garat e Belgjikës, Italisë dhe Singaporit. “Kemi bërë më shumë sesa parashikonim kur i mbyllëm tre garat në vend të dytë”, ka shtuar piloti i “Ferrarit”.

Top Channel