Dominimi i plotë i Sebastian Vettel njohu një kapitull të ri në garën e 14-të të sezonit, në Çmimin e Madh të Koresë së Jugut, transmetuar drejtëpërsëdrejti në ekranin e “Top-Channel”.
Piloti gjerman, i nisur i pari nuk e vendosi asnjëherë në diskutim fitoren, edhe pse distanca që ai krijoi me ndjekësit u shkurtua dy herë nga dalja e makinës së sigurisë, në aksidentet që përfshinë Webber dhe Perez.
Spektakolare gara e Raikkonen, i nisur nga vendi i tetë, që si shpesh në këtë sezon zgjodhi një strategji me pak ndalesa, duke arritur që të ngjitej në finish deri në vendin e dytë të renditjes, përpara shokut të tij të skuadrës, Sebastian Grossjean.
I shkëlqyer me Sauber, gjermani Hulkenberg, i cili ndonëse me një makinë inferiore arriti të linte pas dy ish-kampionë bote, Hamiltonin me Mercedes dhe Fernando Alonson me Ferrari.
Për “kokëkuqen” problemet vazhdojnë të thellohen, ndërsa Ferrari duket gjithmonë e më shumë inferiore jo vetëm ndaj Red Bull, por edhe ndaj makinave si Mercedes apo Lotus.
Ndërkohë, përfunduan në pikë edhe Rosberg, i shtati, ndjekur nga Button, Massa e Perez.
Pas kësaj gare, e cila njohu Vettel me suksesin e tretë radhazi, Formula 1 zhvendoset në pistën e Japonisë, ku do të garohet javën e ardhshme.
Renditja e dhjetë vendeve të para në Çmimin e Madh të Koresë
1. Vettel Red Bull-Renault 1h43:13.701
2. Raikkonen Lotus-Renault + 4.2s
3. Grosjean Lotus-Renault + 4.9s
4. Hulkenberg Sauber-Ferrari + 24.1s
5. Hamilton Mercedes + 25.2s
6. Alonso Ferrari + 26.1s
7. Rosberg Mercedes + 26.6s
8. Button McLaren-Mercedes + 32.2s
9. Massa Ferrari + 34.3s
10. Perez McLaren-Mercedes + 35.1s
Renditja e pilotëve pas garës së Koresë
Pike Piloti
272 Vettel
195 Alonso
167 Raikkonen
161 Hamilton
130 Webber
122 Rosberg
89 Massa
72 Grosjean
58 Button
31 Hulkenberg
…..
Renditja e konstruktorëve
Pike Skuadra
402 Red Bull
284 Ferrari
283 Mercedes
239 Lotus
81 McLaren
62 Force India
31 Sauber
31 Toro-Rosso
1 Williams
Top Channel
