Tenis, Nadal rikthehet numri 1
05/10/2013 00:00
Rafael Nadal kaloi në finalen e turneut të Pekinit pasi Tomas Berdych u tërhoq për shkak dëmtimi dhe kjo fitore e lejon tenistin spanjoll të rimarrë kreun e renditjes botërore të ATP-së pas dy vitesh.
Nadal do të luajë finalen e këtij turneu ndaj fituesit të çiftit Djokovic-Gasquet, por sido që të përfundojë kjo finale, spanjolli do të jetë numri 1 i Botës.
“Është si një dhuratë për mua pas një viti shumë të mirë, një nga vitet më të mira që kam pasur në karrierë”, tha Nadal pas takimit.
“Është diçka e veçantë të rikthehesh në krye pas një gjysmë viti ku nuk luajta fare për shkak dëmtimi. Këtë vit kam luajtur 13 finale në 14 turne dhe nuk e kisha bërë kurrë më parë”, shtoi Nadal.
Top Channel