Sport

F1, Hamilton më i shpejti në Kore

04/10/2013 09:45

Lewis Hamilton regjistroi kohën më të shpejtë në sesionin e dytë të provave të lira në Korenë e Jugut, ndërsa Mercedesi u konfirmua edhe një herë, së bashku me Red Bullin, si skuadra më e shpejtë në pistë.

Për britanikun e Mercedes, i cili është nisur shpesh nga “pole-position” për të përfunduar disa pozicione pas gjatë garës, inkurajues ishin rezultatet e konsumit mjaft të reduktuar të gomave, që ka qenë edhe një prej problemeve kryesore të skuadrës së tij në këtë sezon.

I renditur i pari, Hamilton la pas me një të dhjetën e sekondit kryesuesin e renditjes, Sebastian Vettel.

Vettel i mohoi Mercedesit kënaqësinë e dy vendeve të para, ndërsa Nico Rosberg u pozicionua i treti.

Ferrari vazhdon të ketë të pamundur t’i afrohet makinave më të shpejta, me Massën në vendin e pestë dhe Alonson të shtatin.

Renditja e provave të dyta të lira në Korenë e Jugut (10 vendet e para)

1. Hamilton   Mercedes         1m38.673s
2. Vettel        Red Bull-Renault   +0”108s
3. Rosberg   Mercedes          +0”124s
4. Ëebber       Red Bull-Renault   +0”171s
5. Massa        Ferrari          +0”441s
6. Grosjean   Lotus-Renault       +0”553s
7. Alonso       Ferrari             +0”771s
8. Raikkonen Lotus-Renault       +1”084s
9. Button       McLaren-Mercedes +1”101s
10. Sutil        Force India    +1”333s
…

Top Channel