Gjermanët përkrahin një koalicion të gjerë
27/09/2013 00:00
Ambasada amerikane në Arabinë Saudite paralajmëron për “sulm të afërt” 03/03 15:15
Sondazhet më të fundit tregojne se gjermanët mbështesin një koalicion të madh mes konservatoreve të Angela Merkelit dhe partisë kryesore të qendrës së majtë në vend, duke e konsideruar mundësinë më të mirë për një qeveri të re.
Anketa e televizionit “ARD” zbuloi se 48% e gjermanëve do të preferonin një partneritet të ”CDU”-së me Social-Demokratët dhe vetem 18% ishin pro aleances me të Gjelbrit.
Parlamenti i ri gjerman duhet të konstituohet ne 22 tetor. SPD-ja, e Majta dhe ekologjistët së bashku kanë tetë vende më shumë se Unioni CDU/CSU.
Nëse do të afroheshin, ata mund ta rrëzonin Merkelin, por kjo është thjesht llogari shifrash sepse ndasitë mes partive janë shumë të mëdha.
Sapo Bundestagu të jetë i aftë për të punuar, partia “E Majta” do të lëshojë goditjen e saj të parë: një projektligj për një pagë minimale ne te gjithë territorin e Gjermanisë.
Llogaria taktike është e thjeshte: nëse deri atëherë nuk është krijuar një koalicion qeverisës, në të cilin socialdemokratët apo te gjelbrit të jenë lidhur me Unionin CDU/CSU, deputetët ekologjistë dhe socialdemokratë mund të votonin me të majtët në favor të ligjit.
Pasi të tre grupet parlamentare janë për këtë model page minimale dhe kanë diferenca vetëm sa i takon nivelit të pagës për orë pune: e Majta kërkon 10 euro, ndërsa ekologjistët dhe SPD 8,5 euro.
Unioni i fitueses në zgjedhje Merkel, e refuzon modelin dhe nuk pranon që të sanksionohet me ligj një pagë minimale në rang kombetar.
Top Channel
