Sebastian Vettel “vret” kampionatin, duke arritur një fitore të re në Çmimin e Madh të Singaporit, transmetuar drejtëpërsëdrejti nga Top-Channel gjatë së dielës.
I ardhur nga suksesi i Belgjikës, Vettel vazhdon të rrisë hapin drejt një titullit të katërt kampion radhazi, duke shfaqur një dominim absolut edhe në garën e vetme të Botërorit që zhvillohet gjatë natës.
I nisur nga vendi i parë, Vettel nuk e vendosi asnjëherë në diskutim suksesin, ndërsa Alonso përsëriti një skenar të njohur në këtë sezon, duke e mbyllur i dyti pas një nisje nga pas.
Kimi Raikkonen, autor i një serie parakalimesh spektakolare arriti të fitonte edhe ai një vend në podium, duke lënë pas Rosberg, Hamilton e Massën.
Kompletuan renditjen e dhjetë vendeve që përfundojnë në pikë Button, Perez, Hulkenberg e Suttil.
Renditja e kampionatit Botëror të Formulës 1 pas garës së Singaporit
Per pilote Per konstruktore
1. Vettel 247 1. Red Bull 377
2. Alonso 187 2. Ferrari 274
3. Hamilton 151 3. Mercedes 267
4. Raikkonen 149 4. Lotus-Renault 206
5. Webber 130 5. McLaren-Mercedes 76
6. Rosberg 116 6. Force India-Mercedes 62
7. Massa 87 7. Toro Rosso-Ferrari 31
8. Grosjean 57 8. Sauber-Ferrari 19
9. Button 54 9. Williams-Renault 1
10. Di Resta 36
Top Channel
