Tashmë çdo pacient që vuan nga kanceri në prostate do të ketë një operacion me më pak dhimbje dhe një rikthim sa më të shpejtë në jetën e tij të perditshme.
Për herë të parë në spitalin privat italo-shqiptar “Salus”, përdoret teknika më e avancuar e ndërhyrjes kirurgjikale, prostatektomia laparoskopike.
Operacioni u realizua nga urologu italian i akredituar pranë këtij spitali, Dr. Francesco Saverio Grossi, i cili shpjegon risitë dhe përparesite e kësaj ndërhyrje kirurgjikale.
Pasdite në “TCH” – Doktor Grossi, për herë të parë në Shqipëri, ne spitalin italian “Salus” kryhet një operacion laparaskopik i urologjise, tepër i rëndësishëm. Ç’është ky operacion, përse është kaq i rrallë dhe kaq i rëndësishëm?
Doktor Grossi, “Salus” – Ky operacion eshte nje prostatektomi radikale laparoskopike. Kryhet ne rastet e tumoreve ne prostate. Eshte operacion i nderlikuar pasi behet fjale per heqjen e nje gjendre ne aparatin gjenital mashkullor, por pa demtuar sistemin, i cili mundeson te mos demtoje sistemin e ereksionit pas operacionit dhe krijon mundesine qe pas operacionit pacienti ta mbaje mire urinen e te mos kete rrjedhje. Edhe ne Itali jane te pakta klinikat qe e kryejne. Le te themi se nuk jane me shume se pesembedhjete.
Pasdite – Sa zgjat nje operacion i tille dhe perse eshte kaq i rralle në llojin e tij?
Doktor Grossi – Eshte nje operacion i veshtire, pasi perveç aspektit te heqjes, eshte edhe i rindertimit. Kjo do te thote qe fshikeza duhet ngjitur me uretrin. Kjo kryhet nepermjet nje qepjeje te brendshme ne trup nepermjet disa tubave laparoskopike. Kjo e ben qe te jete edhe nje operacion teper i nderlikuar.
Pasdite – Ju jeni nje prej mjekeve kirurge qe i promovoni shume operacionet laparoskopike dhe endoskopike. Perse keto lloj operacionesh jane arritja me e madhe ne mjekesi ?
Doktor Grossi – Pikesepari per arsyen e thjeshte që lidhet me dhimbjet nga operacioni nga ana e pacientit. Me pare, kur kryhej heqja e veshkave nepermjet prerjes lombare te muskujve, pacienti qendronte i shtruar ne spital per pesembedhjete dite, kishte veshtiresi ne frymemarrje. Me laparaskopine mund te dale per tri apo kater dite dhe pas nje jave mund te filloje punën.
Pasdite – Në kete rast, sa kohë do t’i duhet nje pacienti per t’u kthyer ne normalitet?
Doktor Grossi – Persa i perket daljes nga spitali, jo me shumë se tre apo kater dite. Pozicionimi i kateterit, nese kryhet me metodat e meparshme kërkon nje muaj apo nje muaj e gjysme. Tani kerkon vetem shtate apo tete ditë, le te themi dhjete dhe pacienti mund te kthehet në aktivitetin e tij normal.
Kanceri i prostatës në Shqipëri
Statistikat e lidhura me këtë sëmundje vdekjeprurëse
Kanceri i prostatës është lloji i tretë i tumorit më i përhapur tek meshkujt dhe ka një progres shumë të ngadaltë.
Kanceri i prostates është ndër diagnozat më të shpeshta në meshkuj dhe shifrat flasin për një situatë gjithmonë e më alarmante në vitet e ardhshme.
Sipas studimit më të fundit mbarëbotëror, të realizuar nga organizatat më prestigjioze të shëndetësisë, afro 910 mijë raste të kancerit të prostatës u shënuan në vitin 2008, ku rreth 14% e tyre ishin raste të sapozbuluara.
Po sipas ketij studimi, parashikohet që në vitin 2030 numri i rasteve të dyfishohet dhe 1.7 milion meshkuj në mbarë botën të preken nga kjo sëmundje.
Shtetet me problematike në botë që vuajnë kanceri i prostates janë Australia dhe Zelanda e Re, me përqindjen më të lartë të të diagnostikuarve.
Me pas vijnë Europa Veriore dhe Perëndimore, Amerika e Veriut dhe nivel disi me i ulët në Azi.
Në Shqipëri, kanceri i prostatës renditet i treti tek meshkujt, duke ndjekur kancerin e mushkërive dhe atë të lekurës.
Sipas të dhënave më të fundit nga Instituti i Shëndetit Publik është vënë re një rritje e numrit të meshkujve të prekur, me afro 5500 raste të reja ne vit.
Shkaktaret nuk dihen ende, por mendohet se gjendja psikologjike dhe emocionale e personave te prekur ndikon shume ne evoluimin e sëmundjes.
Top Channel
