F1, Vettel: Fundjavë e vështirë përpara
06/09/2013 00:00
Serie A/ Roma nuk gabon, Pellegrini dhe Çelik çojnë verdhekuqtë në krye të renditjes 09/11 20:16
Sebastian Vettel regjistroi kohën më të shpejtë të provave të lira të Cmimit të Madh të Italisë, por qëndron me këmbë në tokë në deklarimet e tij për mediat.
“Do të jetë një fundjavë e vështirë pasi në sesionin e parë të provave të lira diferencat ishin fare të vogla. Në provat zyrtare mendoj që do të jenë shumë makina në luftë për vendet e para”, theksoi gjermani i Red Bullit.
Vettel pranoi se skuderia e tij është në rrugën e mbarë për fitoren në shtëpinë e Ferrarit: “Kemi ende disa gjëra për të bërë në mënyrë që të përmirësojmë makinën. Në 2-3 kthesa rrëshqasim më shumë seç duhet, por jemi të kënaqur.”
Në fund, tre herë kampioni i botës tha: “Ishte një ditë shumë pozitive për ne. Jemi mirë, por nuk duhet të harrojmë që na presin e shtuna dhe e diela. Gjërat mund të ndryshojnë.”
Top Channel
