Burgjet “sekrete” të El Salvadorit

Vendi i vogël i Amerikës Qendrore është përmendur si një ndër vendet me kriminalitetin më të lartë në botë, së bashku me Hondurasin me mbi 60 vrasje në 100 mijë persona në vitin 2010.

Pjesa më e madhe e vrasjeve lidhen me konfliktin e vjetër mes dy bandave, M13 dhe M18, që të dyja organizata kriminale të lidhura me trafikun e drogës dhe qënieve njerëzore nga Amerika Jugore dhe ajo Qendrore drejt Shteteve të Bashkuara.

Vitet e fundit organet e drejtësisë janë forcuar ndjeshëm duke prangosur shumë prej anëtarëve të këtyre dy bandave. Por në mungesë të burgjeve të reja, të dënuarit mbahen në kushte thuajse çnjerëzore në qeli të vogla.

Në 16 metër katrorë ka raste ku qendrojnë të mbyllur deri në 30 të burgosur. Ambientet janë projektuar për të mbajtur të ndaluarit, jo më shumë se 72 orë, por pas vendimeve të gjykatave, mungojnë ambientet e tjera të izolimit dhe të dënuarit vuajnë dënimin e tyre në këto kushte.

El Salvadori ka një popullsi mbi 5 milion banorë dhe është vendi me dendësinë më të madhe për metër katrorë në gjithë Amerikën Qendrore dhe Jugore.

Top Channel