Aktualitet

Helmimi i dasmorëve

28/08/2013 00:00

Analizat paraprake konfirmojnë se mbi 100 dasmorë, të cilët mernin pjesë
në një ceremoni martese në fshatin Gorishove në Cakran të Fierit janë
helmuar nga mishi dhe kryesisht nga pjata e parë e ushqimit e servirur.

Nderkohe qe kane kaluar tre dite nga dasma, te rritur dhe femije vazhdojne te jene ne kujdes mjekësor ne spitalin e Fierit. Disa prej tyre jane mjekuar ne spitalin e Ballshit, nderkohe qe ka dhe nga ata paciente te cilet rikthehen ne spital.

“Deri në orën 24:00 të së martës kanë qenë prezentë 17 të shtruar në pavionin e sëmundjeve infektive dhe 24 fëmijë, të cilët ishin në pediatri. Rezulton që pothuajse që të gjitha rastet që ne pyetëm vinin nga konsumimi i pjatës së parë dhe që në këtë pjesë të hetimit që ne jemi duket se shkak është bërë mishi, qoftet dhe rostoja”, thotë Adrian Hoxha, drejtor i ISHP-së.

Nuk eshte rasti i pare qe dasmoret helmohen nga ushqimi i produkteve qe u serviren ne restorantet ku zhvillohen ceremoni martesore. Nderkohe inspektore te Autoritetit Kombetar te Ushqimit kane mberritur ne vendngjarje paralelisht me inspektoret e higjienes dhe konfirmojne mbylljen e aktivitetit te ketij restorantit.

Por sipas tyre pronari i restorantit thjesht ka ofruar ambientet nderkohe qe produket ushqimore jane sjelle nga familjaret qe organizonin ceremonine e marteses. Policia nga ana e saj ka shoqeruar familjaret e dasmes per te hetuar me tej se ku jane blere produktet ushqimore perfshire edhe pijet dhe ne c’kushte jane mbajtur ato me pare se te dergoheshin ne restorant.

Top Channel