SHBA-të i shesin “Apache” Indonezisë
26/08/2013 16:00
Trump bisedon me presidenten e Meksikës mbi çështjen e migracionit në kufi: U dakordësuam për… 28/11 17:26
Shtetet e Bashkuara të Amerikës pranuan për herë të parë që t’i shesin helikopterët ushtarakë “AH-64E Apache” forcave të armatosura indoneziane.
Marrëveshja kap vlerën e 500 milionë dollarëve dhe përveç tetë helikopterëve, Indonezia do të përfitojë edhe radarë, trajnim dhe shërbime të mirëmbajtjes.
Lajmi u bë publik gjatë një vizite në Xhakarta të Sekretarit Amerikan të Mbrojtjes, Chuck Hagel, i cili është aktualisht në një tur në Azinë Jug-Lindore.
“Shitja e këtyre helikopterëve të fjalës së fundit të teknologjisë në Indonezi është një shembull i përkushtimit tonë për të ndihmuar këtë vend që të ndërtojë dhe përmirësojë aftësitë e tij mbrojtëse”, deklaroi Hagel në një deklaratë për shtyp.
Ndërkohë, analistët paralajmëruan se vendimi i Uashingtonit për të ndihmuar Indonezinë në forcimin e kapaciteteve të saj ushtarake mund të shihet me sy të keq nga Kina, e cila ka një konflikt të pazgjidhur për sovranitetin e disa ishujve me Xhakartën zyrtare.
Top Channel
