Aksidentohet treni me lëndë toksike

Nga treni rrodhi sodium hidroksidi, lëndë që mund të jetë fatale për jetën e njeriut nëse thithet me anë të frymëmarrjes.

Mbi 20 vagona mallrash të trenit në fjalë dolën nga binarët në perëndim të lokalitetit Baton Ruzh, në orën 15:30, me orën lokale, ditën e diel.

Për fat të mirë inxhinieri dhe makinisti nuk mbetën të lënduar. Për momentin nuk është konstatuar një ndotje e ajrit.

Gjithësesi, dëmet e shkaktuara do të mësohen së shpejti, deklaroi guvernatori i shtetit, Bobby Jindal. “Sa herë që ka një derdhje lëndësh kimike në ambjent kemi një problem serioz”, deklaroi guvernatori.

Ende nuk është e qartë se çfarë shkaktoi daljen e trenit nga binarët. Përfaqësuesi i një sindikate hekurudhore, Raquel Espinoza deklaroi se një tjetër vagon i dëmtuar nga i njëjti tren përmbante klorid vinil, por nuk po rridhte.

Një person që ishte pranë vendit të incidentit kërkoi ndihmë mjekësore pasi ndjeu djegie në sytë e tij. Policia lokale deklaroi se rrugët përreth vendit të ngjarjes do të rrijnë mbyllur për të paktën dy ditë.

Top Channel