Si të ruheni nga hajdutët

Mes sugjerimeve se si të ruheni nga hajdutët, ja edhe një këshillë që vjen nga vetë strukturat e policisë.

“Nëse ka mundësi që një komshi aty afër të kontrollojë derën e tyre, atëherë ata që ikin ta porosisin që kur dikush troket në derë dhe pyet a ka njeri këtu, fqinji të thotë që aty janë. Nëse komshiu që ka dijeni për largimin thotë që personi ka 5 ditë që është larguar, atëherë i jep mundësi hajdutit që të hyjë në banesë”, tregon Benet Koka, shef i komisariatit numër 3 të kryeqytetit.

Sipas policisë, referuar rasteve të zbuluara gjatë kësaj vere, është vënë re se hajdutët për disa ditë me radhë i vëzhgojnë grilat nëse janë apo jo të hapura, si një shenjë se në atë banesë nuk ndodhet askush, çka do të thotë për policinë se qytetarët duhet të gjejnë metodat e tyre për të ruajtur banesën.

“Kontigjenti i vjedhjes së banesave i shikon ato në pallat nëse i kanë grilat e mbyllura apo jo, nëse punon kondicioneri apo jo. Në disa raste trokasin nëpër dyer dhe ngjisin aty një letër. Kthehn pas disa minutash dhe nëse letra është akoma aty e kuptojnë që nuk ka njeri. Qytetarët t’i mbajnë hapur grilat”, nënvizon Koka.

Po ashtu policia këshillon: “Dy gjërat kryesore janë: vetë banorët duhet të kenë informacion për të parandaluar vjedhjet dhe e dyta të njoftojnë policinë, të mos e anashkalojnë nëse ndodh diçka. Gjithashtu, nëse largoheni jashtë vendit makinat mos i parkoni në vende publike por në parkime private”.

Top Channel