LA, policia shmang grabitjen…
03/08/2013 20:30
Studimi që po habiti botën! Njerëzit që flasin me veten janë më të suksesshëm? 12/11 18:00
Është shmangur për një fije një tragjedi në një kafene në periferi të Los Anxhelesit, në Shtetet e Bashkuara, ku disa policë me armë në duar për pak sa qëlluan dy aktorë teksa xhironin një skenë grabitjeje.
“Ulni menjëherë armët”, i klithi një agjent aktorëve në rolin e grabitësve, të cilët kishin në duar pistoleta prej lodre dhe në kokë maska.
Në këtë moment vetëm një prej tyre pati reflekset për të lëshuar armën në tokë, ndërsa tjetri, i tronditur, mbeti i bllokuar me pistoletën në dorë, prej lodre por njësoj si e vërtetë. Për fat të mirë agjenti nuk hapi zjarr dhe gjithçka u sqarua, edhe pse pas momentesh të tëra tmerri.
“Nëse personi që nuk hodhi armën do të kishte lëvizur edhe vetëm një centimetër, tani do të ishte një njeri i vdekur. Ishim një gjysmësekondi nga tragjedia”, deklaroi pas incidentit kapiteni i policisë, Tim Staab.
Sipas raportimeve të mediave lokale, policia ndërhyri pasi mori një telefonatë nga një grua që ndodhej jo shumë larg kafenesë dhe që nuk i kishte parë kamerat e xhirimit.
Filmi ishte një prodhim universitar. Aktorët u liruan pa asnjë akuzë ndaj tyre, por vetëm pasi morën një “dush të ftohtë” nga shefat e policisë për masat e sigurisë që duhet të kishin marrë.
Top Channel
