Bulqizë, humb jetën minatori 30-vjeçar
02/08/2013 21:20
Debate në KLP, Tiranës dhe Elbasanit i mungojnë 51 prokurorë
18/07 21:17
Një tjetër minator humbi jetën në mbrëmje në Bulqizë, teksa punonte në një zonë të paligjshme të minierës.
Burime policore thanë se minatori 30-vjeçar Shahin Peti, nga Fushë-Bulqiza, humbi jetën në zonën D të minierës, ku u gjet i mbuluar nga masive me krom.
Autoritetet thanë se po hetojnë rreth shkaqeve të ngjarjes, që çoi në humbjen e jetës së babait të dy fëmijëve të mitur.
Ndërsa dje, në të njëjtën minierë, ndodhi një tjetër aksident, ku mbeti i plagosur një minator në zonën qendrore të minierës së Bulqizës, që administrohet nga kompania ACR.
I plagosuri i djeshëm ishte 49-vjeçari Mustafa Kola, që po punonte në nivelin 15 të posit nr 1.
Miniera e Bulqizës, prej shumë vitesh tashmë, është kthyer në një objekt lajmesh të përhershme mbi humbjet e jetës së minatorëve, për shkak të mungesës së kushteve të punës dhe të investimeve për modernizimin e saj.
Top Channel
