Zelanda e Re i dëbon obezët

Edhe pse ka humbur 30 kg, që prej vendosjes në Christchurch, 6 vjet më parë, Buitenhuis sërish përballet me dëbimin nga vendi.

Kur mbërriti në këtë qytet, në 2007-n, ai peshonte 160 kg. Bashkëshortja e Buitenhuis, Marthie, thotë se deri tani vizat e tyre të punës ishin rinovuar pa shumë vështirësi.

“Kemi aplikuar rregullisht çdo vit, por kurrë nuk na e kanë përmendur peshën e Albertit apo shëndetin e tij, si pengesë për vizën, – thotë ajo, – dhe në fillim ka qenë akoma më i shëndoshë”.

Çifti i ka dërguar një letër ministrit të Emigracionit, ku kërkon të rishikohet rasti i tij dhe ku theksohet fakti, që burri ka rënë në peshë.

Një zëdhënës i Ministrisë në fjalë është shprehur se aplikimi i Buitenhuis u refuzua për shkak se obeziteti i tij e ekspozonte ndaj rrezikut të komplikacioneve të ndryshme, të cilat përfshijnë diabetin, hipertensionin dhe sëmundjet e zemrës.

“Është e rëndësishme, – sqaroi ai, – që emigrantët të kenë një standard të pranueshëm shëndeti, në mënyrë që të minimizohen kostot dhe pretendimet ndaj shërbimeve vendase të Shëndetësisë.

Zelanda e Re është një nga vendet e zhvilluara, me problemet më të mëdha të obezitetit në botë. Gati 30% e popullsisë së saj konsiderohet të jetë mbipeshë.

Top Channel