Gjon Pali II do te shpallet shenjt. Vete Vatikani e pohoi nje gje te
tille, pasi Papa Francesk autorizoi aprovimin e mrekullise se dyte per
papen polak.
Njeriu qe drejtoi kishen katolike nga 1978-ta deri ne vdekjen e tij ne 2005-n u shnderrua ne njerin prej krereve me karizmatike te saj. Per ceremonine e kanonizimit, nuk eshte dhene date konkrete, por gjithsesi ajo pritet brenda vitit.
Karol Vojtila, asokohe 58-vjecar, u zgjodh arqipeshk i Romes, duke u bere pasardhesi i 264 i Shen Pjetrit, tetorin e vitit 1978. Kardinali polak zevendesoi Papa Gjon Palin e Pare, i cili vdiq vetëm 33 dite pas caktimit ne kete post. Permes ngurrimesh e mosbesimi, ai do te behej i pari papë jo – italian në 450 vjetët e fundit.
Por ai i Vojtiles qe nje papat me ndikim te madh ne boten katolike. Papa polak deshmoi aftesi te rralla për të komunikuar drejtpërdrejt me grupe të mëdha besimtarësh.
Periudha e drejtimit te kishes nga ana e tij, ishte plot arritje. Gjon Pali II luajti rol kryesor në zhvillimin e lëvizjes polake Solidarnost, hapi i parë ne vazhden e zhvillimeve qe me se fundi çuan në shembjen e komunizmit dhe shpërbërjen e Bashkimit Sovjetik. Ai ze nje vend te vecante edhe per shqiptaret, sepse lumturimi i Nene Terezes u arrit kryesisht fale perpjekjeve te tij personale. Ne funeralin e Papes aq te dashur, sidomos nga te rinjte, mijera pelegrine te mbledhur ne sheshin e Shen Pjetrit thirren me te madhe: Santo Subito, shenjtor tani! Shtyllat e rruges se tij drejt shenjterimit do te hidheshin shpejt, dhe vetem 6 vjet pas vdekjes, Gjon Pali i Dyte u lumturua, ne ate qe u konsiderua kalimi me i shpejte ne kete etape prej shekujsh te tere.
Top Channel
