Super internet me vorbulla drite
04/07/2013 00:00
Një tetor i vështirë për këto shenja të zodiakut… 28/09 11:11
Përgjigjia ndaj kërkesës në rritje të lidhjes në internet, lehtësimi i
trafikut në rrjet dhe përmirësimi i lidhjeve video në streaming mund të
bëhet më i thjeshtë falë një teknologjie me fibra optike që shfrytëzon
një fenomen të veçantë të dritës.
E përshkruar në revistën “Science”, teknika është zbuluar nga grupi i studiuesve të udhëhequr nga profesori Nenad Bozinovic, i Universitetit të Bostonit në SHBA.
Metoda lejon krijimin e kanaleve paralele për të transmetuar të dhëna në një kabëll të vetëm fibre optike që shfrytëzon një fenomen të quajtur “vorbullat optike”, në të cilin vorbullat e dritës lëvizin si një tornado dhe jo në vijë të drejtë.
Në eksperimentin e tyre studiuesit kanë arritur të transmetojnë 1.6 terabit (rreth 1.600 miliardë bit) të dhëna në sekondë, e barabartë me transmetimin e 8 DVD-ve me pamje të cilësisë së lartë në sekondë.
Nëse teknika e re do të aplikohet, ajo do të bëjë që lidhjet aktuale ADSL të duken të ngadalta njësoj si lidhjet e bëra me modemin “dial-up”, përmes një numri të zakonshëm telefoni.
Top Channel
