Në vitet ’70, në Francë ekzistonte një revistë me emrin “Lui” që përziente shkrime intelektuale me foto provokuese të femrave si Brigitte Bardot dhe Jane Fonda.
Kjo revistë u publikua rregullisht për 25 vite derisa ndaloi në numrin e saj të 285 pas një rënieje të ngadaltë, por të pandalshme.
Tashmë ky publikim do të “ringjallet” nga shkrimtari dhe kritiku Frederic Beigberger, i cili do të jetë kryeredaktori i saj. Ai ka bërë të ditur se miksimi erotik-pornografik do të rikthehet bashkë me revistën.
“Lui ka qenë edukimi im politik dhe seksual. Do të jetë një revistë anti-krizë. Është një gjest mosbindjeje për të nxjerrë një revistë në një klimë kaotike. Do të ketë shkrimtarë, gazetarë dhe fotografë të shquar, por do të jetë e vështirë të bindim yjet e sotëm të zhvishen”, tha Beigberger për ‘The Times’.
Revista ‘Lui’ do të dalë në treg në 5 shtator.
Top Channel
