Parlamenti Europian fshikullon Turqinë

Përfaqësuesja e Lartë për Politikë të Jashtme dhe Siguri, Catherine
Ashton si dhe eurodeputetët Ruijten, Swoboda dhe Verhovstadt dhanë
pikëpamjet e tyre lidhur me situatë.

Ashton: “Kam qenë shumë e qartë në deklaratat e mia dhe e përsëris se përdorimi i tepërt i dhunës nga forcat e policisë kundër protestuesve paqësorë duhet hetuar në detaje dhe pa pengesa, dhe përgjegjësit duhet të japin llogari”.

Ria Oomen-Ruijten: “Një shumicë duhet të marrë gjithnjë në konsideratë qëndrimin e pakicës dhe sot z. Erdogan po takohet me Platformën Taksim, e shpresoj sinqerisht se ai do ta përdorë këtë mundësi për ta paraqitur veten si një udhëheqës i të gjithë qytetarëve”, tha më pas .

Hannes Swoboda: “Z. Erdogan duhet të ndryshojë. Ky është mesazhi që vjen që këtu. Po, ne e duam Turqinë, por kjo Turqi që përfaqësohet sot nga z. Erdogan nuk mund të zërë vend në Europë. Z. Erdogan duhet të ndryshojë që të ndryshojë Turqia”.

Guy Verhovstadt: “Ajo që po ndodh apo ka ndodhur në Turqi është hapur dhunim i të drejtave të njeriut. Turqia është sot, siç e thërras unë, burgu më i madh i gazetarëve në botë. Ajo që ju kërkoj znj Ashton është që të ngriheni kundër përkeqësimit të demokracisë që po shndërrohet gjithnjë e më shumë në atë që unë e quaj një ‘demokraturë’”.

Pjesa dërrmuese e eurodeputetëve theksuan mbështetjen e integrimit të vendit në Europë, me kushtin që Turqia të përmbushë dhe respektojë vlerat dhe parimet europiane.

Një pjesë kërkuan çeljen e negociatave për anëtarësim mes BE-së dhe Turqisë duke nisur me kapitujt 23 dhe 24, që kanë të bëjnë me Shtetin e së Drejtës dhe Lirinë e Shprehjes.

Përgatiti: Arta Tozaj

Top Channel