Gjin Gjoni anëtar i KLD-së

Një ditë votimi për komunitetin e gjyqtarëve, të cilët mbyllën për një ditë dyert e drejtësisë, si dhe solli një risi zgjedhore jo të zakonshme në vendin tonë kur të dy konkurrentët iu drejtuan së bashku kutisë së votimit.

Pas pesë orë fjalime, votimesh, pauzash e pritjeje, 226 gjyqtarë votuan pro gjyqtarit të Apelit Gjin Gjoni, ndërsa 107 për Genti Shalën. Fitorja e Gjin Gjonit u prit me qytetari nga konkurrenti i tij.

Tashmë ajo që dihet është se Këshilli i Lartë i Drejtësisë është kthyer në një institucion burrash, duke qenë se asnjë femër nuk është anëtare.

Kjo do të thotë se kësaj radhe, pavarësisht se respektuan votën e tyre, gjyqtarët harruan një tjetër parim të rëndësishëm, barazinë gjinore edhe pse në gjyqësor raporti meshkuj-femra është pothuajse i njëjtë.