Britania: “Karton të kuq” për ligjet e BE-së
31/05/2013 16:10
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
BE-së i duhet një sistem i tipit “karton i kuq” për parlamentet kombëtare që të bllokojnë ligjet e miratuara në Bruksel nëse mendojnë se zyrtarët e BE po e kalojnë masën.
Me këto fjalë sekretari i Jashtëm britanik, William Hague do të prezantojë disa ide të Mbretërisë së Bashkuar për reformimin e Bashkimit Evropian, në një konferencë politike që do të mbahet në rrethinat e Berlinit.
Sipas raportimit të BBC, Hague pritet të thotë se “legjitimimi i krizës” po minon punën e institucioneve evropiane. Aktualisht parlamentet kombëtare mund të ngrenë “kartonin e verdhë” për të detyruar Komisionin Evropian që të rishqyrtojë ligjet.
“Por një “karton i kuq” do t’u jepte parlamenteve përkatëse të drejtën të bllokonin atë legjislacion mbi të cilin nuk duhet të bihet dakord në nivel evropian”, pritet të thotë zoti Hague.
Kryeministri konservator i Mbretërisë së Bashkuar, David Cameron planifikon të rinegociojë marrëdhëniet mes Britanisë së Madhe dhe Bashkimit Evropian.
Kjo do t’i hapte rrugën mbajtjes së referendumit për qëndrimin e Mbretërisë së Bashkuar në radhët e Unionit, që është parashikuar të mbahet në fund të vitit 2017, nëse konservatorët fitojnë zgjedhjet e ardhshme.
Konferenca ku merr pjesë shefi i diplomacisë britanike, në Këniguinter, synon përmirësimin e raporteve mes Londrës dhe Berlinit zyrtar.
Top Channel
