Ribery: Nuk do t’i flas kurrë më Boateng
13/05/2013 00:00
Roli i Spallettit në pikëpyetje, ka një emër në “pole-position” për të drejtuar Italinë 02/07 13:40
Franck Ribery këmbëngul se nuk do t’i flasë kurrë më shokut të tij të skuadrës tek Bajerni i Mynihut, Jerome Boateng, dhe gjithcka pasi ky i fundit i bëri dush me birrë gjatë festimeve të kurorëzimit kampion të Bundesligës.
Futbollisti francez është konvertuar në musliman dhe besimi i tij i ndalon konsumin e alkoolit.
Gjatë nisjes së festimeve, Ribery paralajmëroi shokët e tij të skuadrës të qendronin me gotat e birrës larg tij. Por ata këmbëngulën, deri në momentin kur Boateng i derdhi në kokë një sasi të madhe birre.
“Nuk do të flas kurrë me Boateng. Ai e di që unë jam një musliman”, deklaroi Ribery për mediat gjermane.
Bajerni u kurorëzua kampion i Gjermanisë me 22 pikë avantazh ndaj Borusias së Dortmundit, me të cilën do të ndeshen në finalen e Ligës së Kampioneve më 25 maj.
Top Channel
