Juventus-Milan, në merkato për sulmues

Sipas “La Gazzetta dello Sport”, ndonëse secili ekip ka nevoja të ndryshme për momentin, vëmendja e të dy klubeve është përqendruar tek sulmi.

Milani, nga ana e tij është përqendruar tek 25-vjeçari i Torinos, Alessio Cerci, i vlerësuar për cilësitë e tij dhe aftësinë për të luajtur në të dy krahët e një tridhëmbësi 4-3-3.

Nëse do të konkretizohet, treshja e kombëtares italiane, Cerci-Balotelli-El Shaarawy, mund të bashkohen në të njëjtën skuadër.

Përsa i përket Juventusit, Gonzalo Higuain është në këtë moment objektivi kryesor, por me vëmendje po ndiqet edhe 26-vjeçari i Portos, Jackson Martinez, i konsiderua në Portugali si pasardhësi i Radamel Falcaos.

Për momentin, Martinez ka një klauzolë lëshimi prej 28 milionë eurosh, shumë për financat e bardhezinjve, por çmimi mund të ulet nën 20 milionë nëse Juventusi do të vendosë të negociojë.

Jovetiç, ylli i Fiorentinës, mund të shndërrohet gjithashtu në objektiv për Juventusin, nëse kalimi i tij në Premier League, tek gjigantët e City apo Chelsea që ofrojnë shumë më tepër, nuk do të konkretizohet.

Top Channel