Aksidenti në det, vdes kampioni olimpik i velës
10/05/2013 09:50
Shkëlqejnë legjionarët! Gjimshiti feston me mocarela, shënojnë Bajrami, Muçi dhe Uzuni 04/11 15:27
Një kampion olimpik i velës mbeti i vdekur në një aksident tragjik të ndodhur në orët e para të mëngjesit gjatë stërvitjes.
Britaniku Andrew Simpson, medalje e artë në Pekin 2008 dhe argjend në Londër 2012 në velën individuale për meshkuj, ndërroi jetë pasi katamarani i tij 24-metërsh u përmbys, ndërsa po stërvitej në Gjirin e San Françiskos, në SHBA.
36-vjeçari ndodhej në drejtimin e katamaranit së bashku me 11 anëtarë të stafit, por gjatë përmbysjes, një e papritur e njohur në këtë sport, ai pati fatin e keq që këmba e tij u ngatërrua në disa litarë, duke mbetur poshtë ujit për disa minuta, përpara se të shpëtohej nga shokët e skuadrës.
Simpson, djathtas, ne podium si fitues i medaljes se argjendte, ne Londer 2012
Kampioni u asistua në vendngjarje dhe më pas në daljen në breg, por në mbërritjen e shërbimit të urgjencës, mjekët nuk mund të bënin gjë tjetër përveçse të deklaronin Simpson të vdekur.
Pamje nga aksidenti, katamarani i permbysur ne Gjirin e San Franciscos asistohet nga roja bregdetare
Simpson dhe ekuipazhi i tij ndodheshin në San Françisko për t’u stërvitur, përpara mbajtjes së një kupe ndërkombëtare për katamaranët, në të cilën së bashku me ekipin e tij, britaniku duhet të mbronte titullin kampion të fituar në 2010-n.
Top Channel
