Interistët humbin durimin, 12 pyetje Morattit

Humbja e së mërkurës, 1-3 me Lazion, vazhdë e një sezoni të mbrapshtë dhe të mbushur me dëmtime, ishte në një farë mënyre një historike në kuptimin negativ, pasi për herë të parë pas 14 vitesh, zikaltërit mbeten jashtë kupave të Europës, qoftë Champions apo Europa League.

Njëkohësisht, ky sezon do të hyjë në histori edhe si i dyti me më shumë humbje, pasi më keq Interi ka mundur të bëjë vetëm në sezonin e largët 1948-49, kur pësoi 19 disfata brenda edicionit.

Në fund të ndeshjes, Moratti i dha të drejtë tifozëve e premtoi një Inter më të fortë në sezonin e ardhshëm, por cilat ishin pyetjet që iu adresuan atij?

1. Sipas jush, përse i gjithë stadiumi duatrokiti strishat e fundit të ultasve, adresuar klubit?

2. Përse janë vënë në diskutim të njëjtët mjekë që na lejuan të fitojmë tripletën?

3. Përse projekti, në vend që të rinojë skuadrën, është shoqëruar me largim të të rinjve në zotërim të klubit apo në skuadrat e moshave?

4. Çkuptim ka të shesësh gjithmonë lojtarët e krijuar në klub?

5. 2010-13. Nga “çatia” e Europës në situatën aktuale. Është përgjegjësi e futbollistëve apo trajnerëve që kanë stërvitur Interin në këtë periudhë?

6. Si ka mundësi që klubi është pasiv ndaj çdo sulmi mediatik?

7. Nuk do të ishte e arsyeshme që në drejtimin e klubit të jetë një “grusht i hekurt”, një njeri që të dijë të
transmetojë ndienjën e përkatësisë, të administrojë situatat që krijohen dhe t’i dalë zot problemeve e mbrojtjes së Interit?

8. Përse nuk është shpjeguar asnjëherë arsyeja e largimit të Orialit prej bordit të drejtuesve?

9. Përse thuhet se klubi i Interit është si një familje e madhe, kur në të vërtetë është e kundërta? Nuk e keni kuptuar se të gjithë mendojmë se ju mendoni vetëm për vete dhe poltronën tuaj?

10. Si mund të lejohet që fanella e dytë e klubit të jetë e kuqe, nëse jeni vërtet interist?

11. Thuhej se ëndrra juaj ishte fitimi i Champions si babai juaj. Tani thuhet se dëshira juaj e ardhshme është stadiumi i ri. Dakord, por klubi ku është në këtë mes?

12. Përse kushdo që largohet nga Interi flet mirë për ju, por keq për Interin?

Top Channel