Një e fiksuar pas ndërhyrjeve kirurgjikale vendosi të vetinjektojë silikonin në fytyrën e saj pasi mjekët refuzuan të kryenin ndërhyrje të mëtejshme për shkak të rreziqeve që paraqiteshin.
Bëhet fjalë për një ish-modele koreano-jugore. Hang Mioku, përballë refuzimit kategorik të mjekëve për të mos ndërhyrë më në fytyrën e saj, vendos ta bëjë vetë dicka të tillë. Ajo i drejtohet tregut të zi të silikonit dhe blen një shishe të tillë.
Në momentin e parë që kthehet në banesë nis vetinjektimin. Por për fatin e keq të saj ajo ishte mashtruar në tregun e zi dhe në vend të silikonit kishte blerë vaj gatimi të cilin e injektoi fytyrën e saj.
Pasojat ishin fatale. Ajo pësoi një shpërfytyrim total, aq sa familjarët jo vetëm nuk e njohën, por u tmerruan kur e panë.
Pas horrorit, ish-modelja u kthye në një simbol të fushatave kundër ndërhyrjeve kirurgjikale estetike, që në Korenë e Jugut janë masive dhe nisi procedurat për nënshtrimin e një operacioni për heqjen e silikonit.
Operacioni i parë u transmetua drejpërdrejt në televizionet vendase. Në 10 ndërhyrjet e para, mjekët mundën të heqin 60 gram silikon vaj dhe substanca të tjera të jashtme nga fytyra dhe 200 gram në pjesën e qafës.
Pavarësisht ndërhyrjeve, Hang është ende e shpërfytyruar. Në intervista për mediat koreane ajo thotë se ka dëshirë që t’i rikthehet sërish fytyra e mëparshme.
Fiksimi i saj me operacionet plastike nisi në moshën 28-vjeçare. Më pas ajo u zhvendos në Japoni ku iu nënshtrua disa ndërhyrjeve të tjera, deri në momentin kur mjekët refuzuan të ndërhyjnë më.
Modelja Hang Mioku para se t’u nenshtrohej operacioneve
Top Channel