Cavani mund Interin
06/05/2013 00:00
Fitorja e tretë radhazi dhe vendi i dytë në kampionat i blinduar. Napoli i Mazzarri-t mund 3-1 Interin në ndeshjen e fundit të javës së 35 të Serisë A dhe Edinson Cavani arrin kuotën e 101 golave me fanellën e kaltër pas tregolëshit të së dielës.
3, 33 dhe 78 ishin minutat e golave të sulmuesit nga Uruguaji.
Zikaltërit zbritën në fushë pa sulmues të mirëfilltë (të avancuar dyshja Guarin-Alvarez) dhe nuk patën asnjë shans ndaj napoletanëve. Goli i vetëm i takimit për ekipin e Stramaccioni-t u shënua nga Alvarez me 11-metërsh.
Kjo është humbja e 14 sezonale e Interit dhe Europa është gjithmonë e më larg.
Top Channel