Rrëzohet avioni i James Bond
02/05/2013 00:00
Luftonte prej kohësh me një sëmundje të rëndë, ndahet nga jeta aktori i njohur i “The Hunger Games” 20/06 20:35
Piloti i një avioni të vogël, i përdorur nga James Bond në filmin “Octopussy”, ka humbur jetën në një incident në rajonin e Tirolit, mes Italisë dhe Austrisë.
Viktima është gjermani Guido Gehrmann, i skuderisë së fluturimit akrobatik të Red Bull, “Flying Bulls”.
Gjatë pasdites së të mërkurës, avioni i vogël i tipit “BD-5J” po kthehej në Salsburg pas një spektakli në Tirol, kur papritur piloti i sinjalizoi kullës së kontrollit një problem.
Për t’i mundësuar uljen urgjente u mbyll për trafikun autostrada, por piloti zgjodhi një rrugë provinciale dhe për rrjedhojë u përplas në tokë. Një mjek, që në atë moment po kalonte rastësisht, u përpoq t’i jepte ndihmën e parë, por më kot.
Ekipi “Flying Bulls” mban zi për Gehrmann, që prej vitesh ishte pjesëtar i skuadrës, përmes një mesazhi në faqen e tij të internetit.
Top Channel
