Institucioni për analizat e ADN

Kjo do të thotë se të gjitha analizat e ADN-së, për zgjidhjen e krimeve të dhunshme dhe zbulimin e identitetit të eshtrave të paidentifikuara, do të mund të kryhen në Kosovë, pa pasur nevojë të dërgohen në laboratoret e vendeve të tjera.

Në ceremoninë e përfundimit të projektit, ku u dhanë edhe çertifikata për zyrtarët kosovarë të trajnuar nga FBI-ja, minsitri i Punëve të Brendshme, Bajram Rexhepi, tha se “Codis” është një bazë e të dhënave, ku vendosen profilet e ADN-së me mundësi krahasimi automatik dhe shkëmbim të të dhënave.

Instalimi i “Codis”-it, apo sistemit të kombinuar për indeksimin e ADN-së, u vlerësua si hap i rëndësishëm nga drejtori i Departamentit të Mjekësisë Ligjore, Arsim Gërxhaliu, në zbulimin e krimeve.

Por, sipas Gërxhaliut, kjo nuk do të përdoret për identifikimin e eshtrave të të pagjeturëve në Kosovë, sepse ky është një proces, që është duke vazhduar në laboratorin e Bosnjës.

Me instalimin e plotë të “Codis”-it, Agjencia e Forensikës së Kosovës do të bashkohet me 75 laboratorë, në më shumë se 40 shtete të botës, në përdorimin e “Codis”-it për menaxhimin e të dhënave të ADN-së.

Top Channel