Goditja e merkatos, Gotze tek Bayern Munchen
23/04/2013 15:15
E trishtë! Përmbytjet në Spanjë i marrin jetën ish-futbollistit të Valencias 02/11 10:16
Borussia Dortmund dhe Bayern Munchen kanë konfirmuar marrëveshjen për kalimin e Mario Gotze tek klubi bavarez në sezonin e ardhshëm.
Në një komunikatë zyrtare, verdhezinjtë kanë njoftuar se talenti i tyre i ka komunikuar dëshirën për tu larguar nga klubi për të luajtur me skuadrën që do të drejtohet nga Pep Guardiola.
Ndërsa Bayern Munchen ka zgjedhur Twitter-in për të zyrtarizuar lajmin që ka tronditur merkaton e futbollit botëror. Ky lajm vjen në një moment të keq për Borussia Dortmund pasi të mërkurën do të luajë gjysmëfinalen e parë të Ligës së Kampioneve ndaj Real Madrid.
Hans-Joachim Watzke, shefi ekzekutiv i Borussia Dortmund, deklaroi: “Sigurisht që jemi të mërzitur, por dua të them që Mario dhe agjenti i tij janë sjellë në mënyrë profesionale dhe kanë respektuar kontratën. Dua t’i kërkoj tifozëve të mbështesin Gotzen dhe skuadrën si gjithmonë sepse kemi përpara një ndeshje që kulmon punën e shumë viteve.”
Mario Gotze do të bëhet futbollist i Bayern për 37 milionë euro, ndërsa paga e mesfushorit do të rritet nga 2.5 në 7 milionë euro në sezon.
Top Channel
