Formula 1, Vettel i pakapshëm në Bahrein

I nisur i dyti, kampioni i trefishtë i botës u parakalua në nisje nga Alonso, por brenda pesë xhirosh arriti të kalonte spanjollin e Ferrarit dhe Rosbergun e nisur i pari.

Që prej këtij momenti, gjermani me Red Bullin e tij dominoi tërësisht garën, duke kryesuar deri në fund.

Një garë për t’u harruar kjo për Ferrarin, që pas një nisje të mirë, u godit nga probleme teknike që kufizuan Alonson në vendin e tetë dhe Massan jashtë zonës së pikëve.

Spanjolli, që vinte i motivuar në Bahrein pas suksesit të Kinës, pati një problem në sistemin përshpejtues “DRS” në xhirot e para, duke e patur të pamundur përdorimin e tij gjatë të gjithë garës.

E mrekullueshme dita e Lotus-Renault, me Raikkonen që vazhdon të konfirmohet si një pretendent për titullin në vendin e dytë dhe shokun e skuadrës, Grosjean, në shkallën e ulët të podiumit.

Surprizë Di Resta me Force India në vendin e katërt, ndërsa Hamilton, i pesti, parapriu një grup prej pesemakinash (Perez, Webber, Alonso, Rosberg e Button), që dueluan gjatë të gjithë garës për t’u renditur sa më lart.

Renditja e dhjetë pozicioneve të para që fitojnë pikë nga gara e Bahreinit

1    Sebastian Vettel    Red Bull   
2    Kimi Räikkönen     Lotus           9s3”
3    Romain Grosjean   Lotus           19’1”
4    Paul di Resta         Force India   21’4”
5    Leëis Hamilton      Mercedes      31’0”
6    Sergio Pérez         McLaren        33’0”
7    Mark Webber        Red Bull       33’0”
8    Fernando Alonso   Ferrari          34’0”
9    Nico Rosberg        Mercedes      40’0”
10  Jenson Button       McLaren       49’0”

Renditja e Formulës 1 pas katër garave të para

1. Vettel             77
2. Raikkonnen    67
3. Hamilton         50
4. Alonso            47
5. Webber          32
6. Massa            30
7. Grosjean         26
8. Di Resta         20
9. Rosberg         14
10. Button          13
11. Perez           10
12. Suttil             6
13. Ricciardo        6
14. Hulkenberg    5
15. Vergne           1

Renditja e konstruktorëve

1. Red Bull         109
2. Lotus              93
3. Ferrari             77
4. Mercedes         64
5. Force India      24
6. McLaren          23
7. Toro Rosso       7
8. Sauber             5

Top Channel